ELSA Ísland stóð fyrir viðburðinum Norræna fulltrúaráðsfundi ELSA (e. Nordic Officers‘ Meeting – NOM) í fyrsta sinn hér á landi dagana 31. október-2. nóvember 2025. Norræni fulltrúaráðsfundurinn, sem fer fram ár hvert að hausti, er samráðs- og samstarfsvettvangur Norrænna aðildarfélaga ELSA. Var þetta eitt umfangsmesta og fjölmennasta laganemamót sem hefur farið fram á Íslandi, þar sem um 100 þátttakendur sóttu fundinn.

ELSA Ísland heldur til Genfar í Sviss í sameiginlega EFTA námsferð með ELSA Noregi og ELSA Sviss!

ELSA Ísland hefur hlotnast sá heiður í fyrsta sinn að halda hinn árlega Norræna fulltrúaráðsfund ELSA (Nordic Officers’ Meeting - NOM) í lok október á þessu ári. Laganemar og ungir lögfræðingar víðsvegar að af Norðurlöndum og víðar mætast á fundinum, í því augnamiði að efla tengsl og móta sameiginlega sýn fyrir framtíð samtakanna á norðurhveli.

ELSA Ísland auglýsir stöður í stjórn félagsins lausar til umsóknar fyrir starfsárið 2025/2026.

Áhugasamir og metnaðarfullir einstaklingar sem hafa ríkan áhuga á félagsstörfum eru hvattir til að sækja um.

Nú er ný og uppfærð vefsíða ELSA Ísland komin í loftið. Á vefsíðunni má finna upplýsingar um starfsemi félagsins, bæði hér á landi og erlendis. Með vefsíðunni er einstaklingum gert kleift að nálgast fréttir og annað efni á auðveldan og aðgengilegan hátt.